Ekstrem svangerskapskvalme - inntil 16. svangerskapsveke 

Undersøking
Ultralyd og gynekologisk undersøking blir utført av lege ved frammøte. Blodprøver blir tatt, og eventuelt gjentatt dagleg.
Daglege urinprøver, - "test" for å sjå om det blir skilt ut ketonar (feittsyrer) i urinen. Registrering av vekta før graviditeten, når kvinna kjem til KK, og under opphaldet.

Behandling
Behandlingsform blir valt i kvart enkelt tilfelle:
• Ro og fred
• Kvalmestillande
• Registrering av inntak av mat og drikke dagleg
• Intravenøs væsketilførsel og av og til intravenøs næring
• Små, hyppige måltid, rike på karbohydrat
• Måling av urinmengde (til den er over 1 liter i døgnet)
• Vektkontroll (2-3 gongar i veka)
• Folinsyretablett blir anbefalt til alle gravide dei tre første månadane
• Tilskot av B-vitamin (Tiamin) dagleg
• Kontakt med ernæringsfysiolog (?) etter eige ønskje
• Nedlegging av sonde kan bli aktuelt, viss tilstoda ikkje blir betre etter 3-4 dagar. Sonden blir lagt ned til tolvfingertarmen, forbi magesekken, slik at flytande næringsløysing (sondemat) kan gjevast kontinuerleg og ikkje kastast opp. Ein kan ete og drikke ved sida av sondematen.

Etterbehandling
Nokon reiser heim etter 1-4 dagar, medan andre treng eit lengre opphald. Det er mogeleg å få sondemat med heim. Vi vil då gi opplæring i bruken av det utstyr som er nødvendig.

Det er viktig å trekkje inn dei pårørande, slik at dei kan hjelpe best mogeleg når ein kjem heim.