Avdeling for rusmedisin blei etablert i januar 2009 som eit ledd i den auka satsinga på rusbehandling i Helse Bergen.
Avdeling for rusmedisin har følgjande målsetjingar:
- Styre pasientstraumen
- Dersom mogeleg, sikre eit tilbod om behandling innan eigen region.
- Førebygge og handsame fristbrot
- Ha oversyn over ventelister og ledig kapasitet i Helse Bergen sitt opptaksområde
- Bidra til utvikling og samspel innan fagfeltet gjennom å ha oversyn over det faglege tilbodet ved institusjonar som blir drivne av eller har samarbeid med Helse Vest RHF.
- Underbygge eit differensiert og kompetent behandlingstilbod mellom institusjonane i opptaksområdet slik at behandlingstilboda blir komplementære.
- Sikre eit godt samarbeid med kommunane
- Sikre kompetanseoppbygging internt i Helse Bergen
- Forsking, fagutvikling, kvalitetssikring og undervisning
Her kan du lese meir om bakgrunnen for opprettinga av avdelinga.
Seksjonar
Avdeling for rusmedisin har per i dag følgande seksjonar:
Avdeling for rusmedisin organisasjonskart
Tverrfagleg
Den delen av avdelinga som er lokalisert i Haukelandsbakken og Ulriksdal har i dag om lag 28 tilsette og er tverrfagleg samansatt med legar (inkludert psykiatar), psykologar, sosionomar, sjukepleiarar, samfunnsvitar og kontorpersonell.
I tillegg kjem om lag 40 tilsette ved Floenkollektivet (Manger og Bergen), om lag 50 tilsette ved seksjon Askøy og omlag 25 tilsette ved Forsterka ruspost.
Sentral vurderingseining
Avdeling for rusmedisin er den sentrale vurderingseininga for alle tilvisingar til rusbehandling i Helse Bergen sitt område. Tidlegare var det tre vurderingseiningar.
Her kan du lese meir om bakgrunnen for etableringa.
Tverrfagleg spesialisert rusbehandling (TSB):
- Legemiddelassistert rehabilitering (LAR)
Helse Vest har vedteke at det skal etablerast LAR-sentre i kvart helseføretak frå 1. januar 2011. Det betyr at Avdeling for rusmedisin har overteke ansvaret for Legemiddelassistert rehabilitering (LAR) frå denne datoen. Tidlegare har Stiftelsen Bergensklinikkene drifta dette behandlingstilbodet.
Her kan du lese meir om vedtaket.
- Polikliniske tenester
Avdeling for rusmedisin sin poliklinikk ved Haukeland universitetssjukehus tilbyr generelle polikliniske tenester til pasientar med rus- og avhengigheitsproblem og poliklinisk gruppebehandling for pasientar som er avhengig av vanedannande legemiddel. Floen har òg ein poliklinikk for sine pasientar.
Frå 1. juni 2011 vert også Psykiatrisk ungdomsteam (PUT) ein del av Avdeling for rusmedisin. PUT er i dag ein del av Psykiatrisk divisjon.
- Døgnbehandling
Floenkollektivet, med avdelingar på Manger og i Bergen, vart overført frå Psykiatrisk Divisjon til Avdeling for rusmedisin 1. september 2010.
I mars 2011 overtok Avdeling for rusmedisin drifta av tidlegare Askøy Blå Kors Klinikk. Institusjonen heiter no Avdeling for rusmedisin, seksjon Askøy.
Forsterka ruspost ved Dr. Martens bygget i Sandviken opna 28. februar 2011. Dette er ein sengepost for tvangsbehandling av rusmiddelavhengige. Tilbodet vart tidlegare drifta av Askøy Blå Kors Klinikk.
- Akuttposten ved Bergen legevakt (Rusakutt fase 1)
I november 2010 opna Bergen kommune, i samarbeid med Helse Bergen, ein akuttpost (rusakutten) tilknytt Bergen legevakt.
- Stabiliseringspost ved Haukeland universitetssjukehus
(Rusakutt fase 2)
I tillegg til akuttposten ved Bergen legevakt skal det etablerast ein stabiliseringspost for ruspasientar på Haukeland universitetssjukehus i løpet av 2012.
- Kor finn du oss?
Avdelinga held til i "Det Kvite Hus" i Haukelandsbakken 9 og i Ulriksdal Helsepark (Ulriksdal 2).
Hausten 2010 starta bygginga av nye Kronstad Distriktspsykiatriske senter på Danmarksplass.
Våren 2013 flyttar avdeling for rusmedisin inn i dei nye lokala saman med Kronstad DPS.
Publisert
22.06.2010 10:35 |
Endret
30.05.2011 11:12