Prosjektkontoret

Framtidas sjukehus vert planlagt og bygd no, og Prosjektkontoret har ei leiande rolle i dette arbeidet. Prosjektkontoret ivaretek alle investeringar i bygg og anlegg, samt medisinsk-teknisk utstyr for heile Helse Bergen HF.

Dagens og framtidas bruk av helseføretakets institusjonar må planleggast riktig for å møte framtidig utvikling, mål og behov for alle pasientar og brukarar på beste måte.

I åra som kjem vil det bli merkbart større byggeaktivitet ved Haukeland universitetssjukehus.
Utviklinga av institusjonane ved sjukehuset – bygningsmasse, uteareal og drifta av desse heng nøye saman med utviklinga av byen.

Gjennom utvikling av gode institusjonar bidrar Prosjektkontoret til å gjere kvardagen enklare og trivelegare for alle pasientar, pårørande og tilsette som nyttar areala. Vi legg stor vekt på å gje god service, raske tilbakemeldingar til brukarane, og ikkje minst å utarbeide kalkylar som er til å stole på.