Senteret gjev opplæring til pasientar og pårørande, og har rehabiliteringstilbod for gitte pasientgrupper. Tilbodet kan nyttast i forkant av, under og etter behandling. I rehabiliteringstilbodet inngår individuell rettleiing/samtalar, fysisk trening, foredrag, gruppesamtalar, sexologisk rettleiing, ernæringskurs mm.
I tillegg til rehabiliteringstilbodet tilbyr me opplæring i ulike emne for pasientar og pårørande.
Kreftsenter for opplæring og rehabilitering si verksemd skal gjera bruk av, og være fundamentert på prinsipp som fremmar brukarmedverknad, likemannsarbeid, eigenmobilisering, læring og meistring. Dette skal bidra til at kreftramma opplev størst mogleg meistring i kvardagslivet med eller etter kreftsjukdom og kreftbehandling.