Regionalt kompetansesenter for klinisk forsking

Kompetansesenter for klinisk forskning (KKF) har ei sentral rolle i den regionale strategien for styrking av klinisk forsking i Helse Vest RHF.

Kontakt oss
Telefon 55 97 55 35
Telefaks 55 97 60 88
kkf@helse-bergen.no

Postadresse
Helse Bergen HF
Kompetansesenter for klinisk forskning
Paviljongen, 2. etasje, vest
5021 Bergen

Senteret har og bidreg med høg vitskapeleg kompetanse innan planlegging, gjennomføring, statistisk analyse og publisering av klinisk forsking. Senteret har òg eit koordinerande ansvar for nettverksfunksjonane i det regionale helseføretaket, og fungerer som eit bindeledd mot dei universitetsbaserte forskningsmiljøa.

Visjon
Kompetansesenteret skal bidra til at føretaka i Helse Vest oppnår sitt forskningsstrategiske mål ved å synleggjere og betre rammebetingelsane for forsking som ein integrert del av den kliniske verksemda, og gi rettleiing til kliniske forskarar i Helse Vest.

Hovudfunksjonar

Leggje til rette for fortsatt auka kvalitet og kvantitet av klinisk forsking i Helse Vest slik at helsetenesta kan gi eit betre tilbod til befolkninga på ein kostnadseffektiv måte. KKF bidrar blant anna med rådgiving til kliniske forskarar i Helse Vest i alle fasar av forskingsprosessen.
Aktivt delta i utarbeiding av forskingsstrategi og arbeidet med å betre rammebetingelsane for forsking i helseføretaka. KKF har blant annet sekretariatsfunksjonen for Det regionale samarbeidsorganet.
Synleggjering av forskingsaktivitet og bygging av forskingsnettverk. KKF bidrar til synleggjering av forsking gjennom foredragsverksemd og undervisning, som arrangør av forskingsseminar og konferansar, og for eksempel ved utarbeiding av "Forskningshåndboken" (i samarbeid med UUS), serien med presentasjonar av ukas forskingsprosjekt på internett mm.