Jobbfast 

Innhald i dagane ved Jobbfast

• Pasienten møter eit tverrfagleg team av legar (forskjellige spesialistar), psykolog, fysioterapeut og arbeidskonsulent
• Det blir samtalar, utfylling av spørjeskjema og klinisk undersøking av pasienten
• Pasienten skriv ei såkalla narrativ eigenforteljing. 
• Det blir undervisning og samtale om belastninga i arbeidslivet som pasienten er tilvist for, og om rettigheiter og plikter i arbeidslivet.

Vi oppsummerer funn og vurderingar saman med pasienten saman med eventuelle pårørande og drøftar mulige tiltak vidare.

Oppsummeringa blir presentert og tiltaka drøfta i oppfølgingsmøtet med tilvisande lege.

Nytteverdi

• God behandling er at pasienten får fortelje si historie og får sette den i samanheng. Dette oppnår vi både ved utgreiing, eigenforteljing, undervisning og samtale.
• I et samarbeid med pasienten og tilvisande lege er målet at pasienten kan vere yrkesaktiv. Jobbfast vil gi konkrete innspel i den samanhengen.  

Tilvisinga frå lege

• Send vanleg spesialisttilvising til Yrkesmedisinsk avdeling  

Tilvisinga skal kome frå bedrifts- eller allmennlege med avklart oppfølgingsansvar for pasienten.

Kriterium i tilvisinga:

• Pasientar med redusert helse som følgje av konflikter, mobbing, seksuell trakassering eller varsling i arbeidslivet.
• Tilvisande lege må forplikte seg til ein
  oppfølgingssamtale per telefon der pasienten er hos
  legen etter utgreiinga på sjukehuset.
• Det er ikkje eit krav om at pasienten skal være sjukemeld.
• Uavhengig desse kriteria bør bedriftslege vurdere bedriftsinterne tiltak.

Jobbfast er ennå ikkje eit etablert behandlingstilbod, kun i pilotperiode enno. Det kjem derfor ikkje inn under pasientrettigheitslova når det gjeld juridisk bindande tidsfrist for oppstart behandling/utgreiing.

Prosjektplan for Jobbfast

Prosjektleiar Jobbfast
Nils Magerøy, telefon 55 97 82 45
Yrkesmedisinsk avdeling
Haukeland universitetssjukehus