Gastrokirurgi 

Vi brukar både tradisjonelle operasjonsmetodar og moderne minimalt invasive teknikkar. Kikkhullskirurgi er eit eksempel på minimal invasiv operasjonsmetode som blir brukt ved fjerning av galleblære, blindtarm og deler av tjukktarm.

Avdelinga er organisert i tre seksjonar:

1. Akuttkirurgi
2. Øvre gastrokirurgi
3. Kolorektalkirurgi

Akuttkirurgi
Her undersøkjer og behandlar vi pasientar med akutt sjukdom som akutte magesmerter, blindtarmbetennelse, gallestein, tarmslyng eller betennelse i tjukktarm. 

Øvre gastrokirurgi
Denne eininga har som hovudoppgåve å behandle sjukdommar i matrøyr, lever, bukspyttkjertel og magesekk. Vi har spesielt fokus på kreftbehandling som er knytt til matrøyr (øsofagus), metastaser i lever (hepar) og bukspyttkjertel (pankreas).Les meir

Kolorektalkirurgi
Eininga er spesialisert på normale og kompliserte forandringar av tynn-/tjukk- og endetarm. Vi utfører klinisk  behandling som inkluderer alle aspekt innan colo-proctologi. Det vil seie endetarmsplager som analfistel, analinkontinens, rectumprolaps og hemoroidar.Les meir


Faglege konferansar  -  samarbeidspartnarar

• Gastro-patologimøte
  Seksjonen har felles møte med gastroenterologane og patologane ein gong i veka der spesielle kasus blir diskutert.

• Tverrfagleg kreftmøte
  Pasientar med kreft blir drøfta i eit fellesmøte med kreftlegar og røntgenlege kvar tysdag frå 15.30. Tilsvarande har vi Sarcommøte kvar onsdag frå kl 15.30.

Sengepostar
Pasientar som blir lagt inn på øyeblikkeleg hjelp blir observert i første omgang på post 3, mens elektive innleggingar går til post 1. Sjå sengepostar