Bjørgvin distriktspsykiatriske senter (DPS)

Bjørgvin DPS er lokalsjukehus innan psykisk helse for vaksne (over 18 år), som bur i bydelane Arna og Åsane i Bergen kommune og i kommunane Austrheim, Fedje, Lindås, Masfjorden, Meland, Modalen, Osterøy og Radøy.

Hovudoppgåvene våre er vurdering, diagnostisering, behandling og rehabilitering for menneske med ulike psykiske lidingar, inkludert rusproblem.

Bjørgvin DPS samarbeider tett med kommunehelsetenesta og fastlegar. Vi tilbyr:

Vi ønskjer å fremje psykisk helse under mottoet å gjere kvardagen lettare. I dette ligg det eit ønskje om å gje god behandling, hjelp til å takle symptom, være tilgjengeleg og fleksibel for menneske med psykiske lidingar

Bjørgvin DPS er lokalisert på Tertnes i Åsane og på Knarvik i Nordhordland.

På Tertnes ligg administrasjon, poliklinikkar, dag og ambulante tenester for Arna, Åsane og Osterøy samt sengepostar for heile opptaksområdet. I Knarvik har vi poliklinikk, gruppebehandling og ambulante tenester for Nordhordland.

For å komma i kontakt med oss må du ha tilvising frå fastlege, legevakt eller andre delar av spesialisthelsetenesta.

All behandling ved Bjørgvin DPS vert leia av psykiater eller psykologspesialist. Dei arbeidar saman med legar, psykologar, spesialsjukepleiarar, vernepleiarar, sosionomar, og andre med sosial- og helsefagleg utdanning og røynsle.