Rekvisisjonar - utfylling 

Utfylling av rekvisisjonar og nødvendig informasjon
Alle prøvar som blir levert laboratoria skal ha tilhøyrande rekvisisjon.

For at prøven skal få ei sikker og korrekt behandling, må følgjande påførast:

• Pasienten sitt navn og fødselsnummer (11 siffer)
• Pasienten sitt postnummer og poststad
• Dato og klokkeslett for prøvetaking og initialar på prøvetakar
• Rekvirenten sitt navn og adresse, helst med føretakskode og legekode  

MIA og AIT
Det er viktig at ønska analyser blir kryssa av riktig. Dei fleste rekvisisjonane blir lesne inn optisk.

I tillegg ønskjer vi at du oppgir kven som skal betale for analysene (NAV, institusjon, bedrift eller andre).

Kliniske opplysningar av betydning for laboratoriet si vurdering av analyseresultata må vere påført.

Har du spørsmål om kva analyser som er relevante, kan du kontakte laboratorielege.

Ved mistanke om eller kjent blodsmitte (hepatitt eller HIV), skal rekvisisjon og prøve merkast med gul lapp.