Rus- eller avhengigheitsbehandling 

Send tilvisingar til rus- eller avhengigheitsbehandling i Helse Bergen-området til:

Avdeling for rusmedisin
Haukeland universitetssjukehus
Postboks 1
5021 Bergen.

Ei mangelfull tilvising kan føre til forseinkingar i pasienten si behandling.

Eit minimum av informasjon er:

• Rusanamnese:

• • Kor tid begynte pasienten si ruskarriere?
  • Kor lenge har aktuell rusperiode gått føre seg?
  • Kva typar rusmiddel bruker pasienten og i kva mengd?
  • Har pasienten tidligare hatt opphald i rusinstitusjon? Når og kvar? Nytte av behandlinga?

• Sosiale tilhøve
• Positivt nettverk
• Mal for tilvisingar
• Krav til tilvisinga

For allmennlegane kan det vere viktig å merke seg at henvisinga oftast blir mykje betre, dersom den blir skriven i samarbeide med sosialkontoret eller NAV.

Eit slikt lokalt samarbeide mellom NAV og fastlege vil også vere ein god start på førebuing av tiltak etter at pasienten har vore til behandling i spesialisthelsetenesta.

Prioriterer ”Raskare tilbake”
Ordninga er meint for dei som står i fare for å bli sjukemeldte, nettopp har blitt sjukemeldte eller står i fare for å miste jobben som følgje av rusmisbruk.

Denne pasientgruppa blir prioritert og treng ikkje bli tilvist Avdeling for rusmedisin. Tilvisar kan ringe ReHabiliteringsklinikken på Nordås, telefon 55 91 85 06.

Meldeplikt
Vi gjer også særskilt merksam på at helsearbeidarar som blir merksam på rusmiddelavhengige som har omsorg for born, har plikt til å sende
bekymringsmelding til Barnevernet, dersom det ligg føre tvil om omsorgsevna (Lov om helsepersonell § 10a).