Rehabilitering i private institusjonar 

Tilvisingsrutinar
1) Fastlegar, privatpraktiserande avtalespesialistar, kiropraktorar eller manuellterapeutar kan tilvise. Tilvisingane til rehabilitering i private rehabiliteringsinstitusjonar, både i og utanfor regionen, skal sendast til den regionale vurderingseininga for rehabilitering. Dette gjeld også for tilvising til Raskare tilbake i dei private institusjonane.

Les meir om tilvisningsrutiner på Helse Vest sine sider.

Kontaktpersonar for Regional vurderingseining for rehabilitering på Helse Bergen sine sider.

Tilvisinga skal sendast til:
Regional vurderingseining for rehabilitering
Regionalt kompetansesenter for habilitering og rehabilitering
Nordåsgrenda 4
5235 Rådal

Telefon:  55 91 85 40

2) Tilvisingar frå sjukehus skal sendast direkte til den aktuelle institusjonen.

Oversikt over dei private rehabiliteringsinstitusjonane Helse Vest har avtale med. Oversikt over det totale rehabiliteringstilbodet i regionen og elles i landet finn du på nettstaden til Regionalt kompetansesenter for habilitering og rehabilitering.

Tilvisingsskjema
Det er viktig at informasjon som blir etterspurt i skjemaet går fram av tilvisinga. Informasjonen er nødvendig for at vurderingseininga skal kunne foreta ei korrekt vurdering og for å finne det rehabiliteringstilbodet som er best eigna for pasienten. Beskriving av funksjonsnivå og mål for opphaldet er viktig i denne samanhengen.

Prioritering
Tilvisingane til rehabilitering i private rehabiliteringsinstitusjonar blir vurderte og prioriterte i tråd med prioriteringsforskrifta og prioriteringsrettleiarane.

Dei pasientane som treng rehabilitering i spesialisthelsetenesta mest får ”rett til nødvendig helsehjelp”. Desse pasientane skal prioriterast framfor dei som ikkje blir vurderte til å ha eit like stort behov, men som likevel skal ha eit tilbod om rehabilitering i spesialisthelsetenesta.

Vurderingseininga vil ut frå beskrivinga av behova til pasienten i tilvisinga, finne det rehabiliteringstilbodet som er best egna. Nokre pasientar vil bli vurdert til ikkje å ha behov for rehabilitering i spesialisthelsetenesta. Desse pasientane kan likevel trenge oppfølging i kommunen.

Tilbodet er ikkje retta mot personar som hovudsakleg treng pleie, omsorg, kvile eller avlasting. Ved inntak blir det lagt vekt på at pasienten kan nyttiggjere seg tilbodet, og at institusjonen har eit tilbod som kan gi pasienten ønskeleg helsemessig betring.