Hyperbar oksygenbehandling 

Indikasjonar for planlagt HBO:

• Stråleskadar (etter radioterapi) i hovud-/halsområdet  (xerostomi, dysfagi, dysartri, sår i bestrålte slimhinner, planlagt tannbehandling i bestrålt underkjeve, osteoradionekrose, chondroradionekrose)
• Stråleproctitt (etter radioterapi)
• Strålecystitt (etter radioterapi)
• Stråleskada bekkenregion (etter radioterapi)
• Kronisk osteomyelitt kor best practice ikkje har ført fram og kor mikroben er verifisert ved dyrking av adekvat beinbiopsi. HBO vil vere adjuvant behandling til antibiotika og kirurgi.
• Kroniske hypoksiske sår kor makrosirkulasjonen er velbevart. Diabetiske fotsår, Behandlingsrefraktære vaskulittsår og sår ved Mb.Bürger.

 
Kontraindikasjonar for HBO:

• KOLS klasse Gould 2b eller verre
• Svær hjartesvikt
• Emfysematøse bullae på rtg thorax
• Underventilerte lungeavsnitt (statiske atelektasar blir akseptert)
• Pneumothoraxkappe
• Aktiv cancersjukdom
• Bleomycinterapi i sjukehistoria
• Pågåande bruk av Antabus
• Kunstige øyrebeinsknoklar (må vurderast av operatøren om dei vil tåle trykksetting)
• Graviditet

 
Kva må tilvisinga innehalde:

• Tidlegare sjukehistorie
• Aktuell sjukehistorie med opplysning av relevant utgreiing og behandlingsforsøk.
• Fast medikasjon
• Opplysning om pasienten pleier å ha utlikningsproblem til mellomøyra
• Opplysning om pasienten har klaustrofobi
• Opplysning om pasienten vil kunne klare seg sjølv på hotell (utanbys pasientar) i behandlingsperioden.
• Kopi av svar på rtg thorax ikkje eldre enn 12 månader.
• Ved lungesjukdom/storrøykarar/hyperinflaterte lunger på thoraxbildet, treng vi kopi av svar på spirometri ikkje eldre enn 6 månader.
• Ved alvorleg hjartesvikt treng vi kopi av svar på ekko cor ikkje eldre enn 6 månader.
• Dersom pasienten ikkje er i stand til å klare seg sjølv, må tilvisande instans søkje pasienten innlagt i eigna klinisk avdeling og kopi av denne tilvisinga må leggjast ved tilvisinga til Seksjon for hyperbarmedisin.

Tilvisinga kan ikkje vurderast før alle relevante opplysningar er mottatt. Så snart vi har den informasjonen vi treng blir tilvisinga raskt vurdert.
Pasientar med kroniske diabetiske fotsår vil kunne bli innkalla til utgreiing med mikrosirkulasjonsundersøking av foten før det blir konkludert med tanke på indikasjon for HBO.
 
Ventetid:
For dei fleste kroniske tilstandar vil det vere garantitid for start av behandling innan seks månader. For enkelte tilstandar som osteoradionekrosar og stråleskadar som medfører transfusjonskrevjande blødingar vil det vere garanti for start av behandling innan 3 månader og vi vil forsøkje å rydde plass for pasienten så raskt vi kan. Ventetida er elles opp mot seks månader og det vil ikkje bli vurdert behandling av pasientar med andre tilstandar enn dei på lista over indikasjonar då all vår kapasitet er fullt utnytta.
 
Slik skjer behandlinga:
Første dag møter pasientane til felles informasjonsmøte. Deretter har dei ein legekonsultasjon og blir etter dette vist rundt i trykkammeranlegget. Første behandling i trykkammer skjer seinare same dag.                                                                          
Behandlinga skjer poliklinisk fem dagar i veka i seks veker (totalt 30 behandlingar). Kvar behandling varar godt og vel to timar. Tilreisande pasientar bur vanlegvis på Haukeland hotell (pasienthotell) og er ikkje innlagt i institusjonen. Pasientane betalar poliklinikktakst for kvar behandling og oppnår frikortgrensa etter godt og vel ei vekes behandling. Tilreisande polikliniske pasientar har rett på å få dekka heimreise i helgene dersom dei ønskjer dette. Det skal vere medisinsk grunn for at pasientar eventuelt får rekvisisjon på drosje mellom hotell og flyplass. Det at det er upraktisk å kome seg til og frå flyplassen er ikkje grunn til å få tildelt rekvisisjon. Alle får dekka billegaste reisemåte (flybuss og buss til og frå flyplassen).

Behandlinga skjer i fire einmanns trykkammer. Fire pasientar møter til behandling kl 07:30, fire kl 09:30, nye fire kl 11:30 og dei siste fire kl 13:30. Pasientane har ikkje anledning til å bestemme sjølve kva tid på dagen dei vil få behandling. Røyking vil motverke HBO.

Lenkje til pasientbrosjyre (pdf)

Tilvising skal sendast: 
Seksjon for hyperbarmedisin
Yrkesmedisinsk avdeling
Haukeland universitetssjukehus
5021 Bergen
Kontakttelefon: 55973974