Innovasjon dreier seg om å utvikle og innføre nye og betre produkt og tenester, men også om verksemdsforbetringar i form av betre og meir kostnadseffektive prosessar, organisatoriske løysingar og pasientprosess. Det er i dag ei pågåande satsinga på behovsdriven innovasjon og næringsutvikling i helsesektoren, i tillegg er det eit mål å utvide satsinga til også å omfatte forskingsbasert innovasjon.
Helseføretaka er sentrale aktørar i satsinga og er bidragsytarar i arbeidet med å implementere nasjonal satsing på innovasjon og næringsutvikling i helsesektoren (2007–2017).
Det er eit potensial for å utnytte den samla nasjonale kommersialiseringskompetansen betre, m.a. gjennom auka samarbeid med universitets- og høgskulesektoren. Det er vidare eit potensial for å auke innovasjonsaktiviteten gjennom bruk av offentlege innkjøp, før-kommersielle avtalar og prosjekt med leverandørindustrien.
Helse Bergen HF tar mål av seg å bli betre på innovasjon, noko som kjem klart fram i vår forsking og utviklingsstrategi.