Statsminister Jens Stoltenberg vil stå for den offisielle opninga, saman med administrerande direktør i Helse Bergen, Stener Kvinnsland og byråd for helse og inkludering, Christine Meyer.
Også helse- og omsorgsminister Anne Grethe Strøm Erichsen vil vere til stades under opninga.
Rusakutten opnar fredag 29. oktober klokka 13.00 på Bergen legevakt i Vestre Strømkaien 19 (inngang frå ambulansetunnelen).
Rusakutten er en korttids sengepost med 10 senger, der pasientane kan opphalde seg i inntil 48 timar. Seks av sengene er øyremerka ruspasientar. Akuttposten vil ivareta akutt medisinsk undersøking, akutt avrusing og kortare avgiftingsforløp. Dei fire andre sengene skal brukast til avklaring av ulike andre hovudtilstandar innan både somatikk og psykiatri.
Dei siste åra har det vore ein sterk auke i talet på innleggingar i spesialisthelsetenesta der rus er eit hovudproblem. Auken gjeld både innan psykisk helsevern og i somatisk helseteneste. Helse Bergen tar imot seks til 10 slike pasientar kvart døgn.
Publisert
28.10.2010 12:50 |
Endret
28.10.2010 20:22