Rosa fest i Foajeen

Haukeland universitetssjukehus, saman med Kreftforeningen og Foreininga for brystkreftopererte, ønskjer alle velkomen til fest for å markere Rosa sløyfe-aksjonen torsdag ettermiddag.

Av Camilla Crone Leinebø, Haukeland universitetssjukehus

- Kjøkkenet stiller opp med rosa muffins og kaffe, som du kan nyte medan du let deg underhalde av Arme riddere og Helge Jordal, fortel Atle Halvorsen, kulturbryggar på Haukeland.

Det vil også vere muleg å kjøpe rosa sløyfe-produkt, der inntektene går til brystkreftsaka.

- Vi håper at mange tek turen innom. Hjarteleg velkomen til ein kjekk markering av ein viktig sak, seier Halvorsen.

TID: 7. oktober, kl. 17.00
STED: Foajeen i Sentralblokken, Haukeland universitetssjukehus.