Her landar helikopteret på sjukehuset 

- Dette er ein stor dag. Dette har vi venta på heilt sidan Norsk Luftambulanse byrja å lande i Bergen for meir enn 20 år sidan.

- No kan vi lande direkte på sjukehuset med pasientar som er akutt sjuke og kritisk skadde, seier seksjonsoverlege Guttorm Brattebø ved Akuttmedisinsk seksjon.

Kortare transporttid
Han fortel at transporttida til sjukehuset no er korta ned med minst ti minutt.
- For mange pasientar er tidsfaktoren avgjerande, og når minutta tel, er det viktig å komme direkte inn til Akuttmottaket, og å sleppe omlasting frå helikopter til ambulanse på veg til sjukehuset.

Hundreårsgave
- Ekstra stor stas er det at plattforma står ferdig i jubileumsåret 2012, det er ei skikkeleg hundreårsgave til oss alle, legg han til.

Stor stas
Under opningsseremonien var det mellom anna buekorps, musikk, talar og tangodans for spesielt inviterte gjestar.
- Det er fint å få rosen for det som skjer på Haukeland, og vi er svært stolte i Bergen no, sa ordfører i Bergen Trude Drevland