Fysioterapidisputas 8. oktober 

Ho har i stipendperioden 2006-2010 vore tilsett ved Nasjonalt kompetansesenter for MS, men er elles tilsett som forskings- og fagutviklingsleiar ved Fysioterapiavdelinga, Haukeland universitetssjukehus.

Føremålet med hovedstudien i avhandlinga var å undersøkje om fysioterapi i varmt klima hadde betre effekt enn tilsvarande behandling i Norge. Seksti pasientar med gangproblem som følgje av MS, og som ikkje hadde varmeintoleranse, fekk tilbod om behandlingsopphald med fysioterapi både i Norge (Hakadal) og i Spania (Tenerife) med eitt års mellomrom, i tilfeldig rekkefølgje.

Tori Smedal under disputasen

Fysisk funksjon med fokus på gange, og livskvalitet og fatigue vart registrert før, rett etter, og tre og seks månader etter kvart behandlingsopphald. Alle funksjonsmål viste klar betring etter behandling, uavhengig av behandlingsstad.

Samla tyder resultata på at behandlingsopphald med fysioterapi i varmt klima gjev ei betring ut over det som vart oppnådd ved behandling i Norge, for personar med MS som ikkje har varmeintoleranse. Studien kan få noko å seie for tilrettelegging av behandlingstilbod for pasientgruppa.


Kontaktperson:
Tori Smedal, tlf. 55 976036 / 98095824
e-post: tori.smedal@helse-bergen.no

Tori Smedal saman med avdelingssjef Else Sterndorff
og hovudveiledar Liv Inger Strand