Frå 1. januar 2011 kan reseptar for legemiddel i gruppe A reitererast når rekvirering er gjort på folketrygdas rekning. Dette er ei viktig endring for palliative pasientar.
Blåreseptforskrifta § 2 -90 omfattar palliativ behandling i sluttfasen av livet. Pasientane betaler ikkje eigenandel for legemiddel som blir dekte under denne paragrafen. Her inngår mellom anna smertestillande medikament (opioid). A-preparat (opioid) må skrivast på A-blankett – refusjonsopplysningane kan førast direkte på A-blanketten slik at ekstra blåresept ikkje er nødvendig. Frå januar 2011 kan slike blåreseptar for A-preparat også reitererast (merkast for ekspedering fleire gonger på apoteket), på linje med andre blåreseptar.
Vi syner elles til skrivet ”Refusjon av legemiddel og medisinsk forbruksmateriell til palliative pasientar”.
Publisert
06.01.2011 11:05 |
Endret
11.01.2011 13:41