1,25 millionar til samhandlingsprosjekt 

Helse- og omsorgsdepartementet har løyvd 1 000 000 kroner til Betre Saman og 250 000 kroner til JordmorHeim-prosjektet. Totalt har departementet løyvd 3,7 millionar kroner til samhandlingsprosjekt i Hordaland.

Samhandling også i Nordhordland Regionrådet er tildelt 1 000 000 for å vidareutvikla interkommunalt samarbeid og samarbeid med spesialisthelsetenesta om helsetenester i Nordhordland. Rehabilitering og kompetansebygging står i fokus. Prosjektet skal utrede behov for eit Distriktsmedisinsk senter (DMS) for Nordhordland.

Betre Saman
Betre Saman er eit samarbeid mellom Helse Bergen og kommunane Askøy, Fjell, Sund og Øygarden. Midla skal gå til eit pilotprosjekt der målet er å etablere eit lokalmedisinsk senter på Straume i Fjell. 

Under besøket i Fjell sa statsråden at det var sendt inn gode søknader på gode prosjekt.

- Dette går rett inn i kjernen av samhandlingsreforma. Pasientane vil oppta mindre sjukehuskapasitet ved at dei ligg kortare tid på sjukehus, samstundes som dei får eit betre tilrettelagt tilbod for å meistre kvardagen, seier helse- og omsorgsminister Anne-Grete Strøm-Erichsen. 

Jordmor heim
JordmorHeim-prosjektet er eit samarbeid mellom Kvinneklinikken på Haukeland universitetssjukehus og Fjell kommune.

Gjennom dette samarbeidet vil den nye familien sleppe å reise tilbake til sjukehuset for barselpoliklinikk og prøvetaking. Jordmor i kommunen vil yte barselomsorg som vektkontroll, høyretest av barnet, observasjon av hud, auge, navle og ta blodprøve.

- Eg er svært imponert, sa Strøm-Erichsen då ho fekk omvisning i intermediæravdeling ved Fjell sjukeheim.

I følgje statsråden vil kommunar med eit slikt prosjekt redusere bruken av institusjonsplassar samstundes som dei hevar den faglege kompetansen sin.

Les meir om dette i dagens BA