Dato: 20.- 21. september 2011
Stad: Clarion Bergen Airport - kun 2 min gange frå Flesland flyplass
- Målgruppe: Engasjerte legar, leiarar, sjukepleiarar og merkantile
- Fokus: Nye IKT- løysingar og nye trendar innan IKT-helse
- Mål: Å betre utnyttinga av IKT i helseføretaka i Helse Vest ved informasjon og erfaringsutveksling
Program for konferansen
Den faglege delen av konferansen er godkjent av Den norske legeforening som valfritt kurs på 16 timar for alle hovudspesialitetar.
-----------------------------------
Føredragshaldarar
Programmet er variert, og blant anna kjem:
Eirik Newth er cand. scient med hovudfag i teoretisk astrofysikk. Sidan 1990 har han arbeidd på heiltid som forfattar og formidlar av naturvitskap for eit breitt publikum. Han har skrive meir enn 2300 blogginnlegg og 350 artiklar og utgitt 20 bøker, som er komne ut på 17 språk. Han har vore programleiar for radioprogrammet Superstreng på Kanal24, og blir ofte brukt som kommentator i radio og TV i spørsmål om framtidsforsking og populærvitskap.
Johnny Heggestad er cand.real. med hovedfag i informatikk. Han har 30 års erfaring som linjeliar og prosjektleiar. Han har bakgrunn innan alle fasar av systemutvikling og har arbeidd med strategi og rådgiving innan ulike bransjar, men særleg innan petroleumssektoren og helsesektoren. Certified Project Director IPMA Level A frå 2010. Prosjektdirektør i Helse Vest sidan 2005, arbeider no hovudsakleg med strategi, innovasjon og formell styring av prosjektportefølja i Helse Vest.
Johannes Kolnes er Cand. med. 1976. Spesialist i generell kirurgi 1987. Arbeidd i flere år innan fagfeltet endokrin kirurgi. Opptatt av organisasjon og leiing med fokus på prosessforbetring og IT støtte av behandlingsprosessar. Direktør ved Haugesund sjukehus/Helse Fonna i 11 år. Fokus på pasientsikkerheit. Var med i Helsedepartementet sitt arbeid med Samhandlingsreforma med ansvar for forløpsanalyser. Arbeider no ved Haukeland universitetssjukehus som prosjektleiar for Mottaksklinikken.
August Bakke lege med spesialitet i kirurgi og urologi. Tilsett ved Haukeland universitetssykehus sidan 1977. Har vært klinikkdirektør ved Kirurgisk klinikk sidan 2000 og professor i urologi ved UiB sidan 1998. Vore i sjukehuset si leiargruppe sidan 2002. Medlem og leiar av ei rekkje utval både lokalt, regionalt, nasjonalt og internasjonalt. De fleste med tilknytning til dei kirurgiske fagområda, forsking og leiing.
Over 170 publiserte vitenskapelige artiklar og abstrakts.
Rune Røren er sivilingeniør innan elektronikk og data. Han har dei siste 10 åra jobba som IT-arkitekt og teknisk prosjektleiar for Accenture, Telenor, NAV og Helsedirektoratet. Rune var bl.a. sentral i utviklinga av automatisk frikort, som vart lansert i 2009. Det siste året har han jobba med kjernejournalprosjektet i Helsedirektoratet. Sidan mars er han avdelingsdirektør for kjernejournal.
Sissel Jor er seksjonsleiar ved IKT-avdelinga på Oslo Universitetssykehus, og har vore ansvarleg for pasientportalen, MinJournal, sidan oppstarten i 2005. Dagens løysing er i bruk ved fleire sjukehus og avdelingar med eit breitt spekter av tenester. Ho var også prosjektleiar for eit Innomed forprosjekt med føremål å gi pasientar i Noreg tilgang til sin egen journal på nett i 2010 og ho er ein av Computerworld sine faste bloggarar på eHelse bloggen http://www.linkedin.com/in/sisseljor
Anne Grimstvedt Kvalvik arbeider som seniorrådgivar i Fagavdelinga i Helse Vest RHF. Arbeidsfeltet er først og fremst Kvalitetssatsinga, altså Helse Vest si satsing for pasientsikkerheit og kvalitetsforbetring av helsetenestene. Ho er lege og spesialist i revmatologi. Har arbeidd 24 år ved Haugesund Sanitetsforenings Revmatismesykehus, dei siste 4 åra som leiar av Enhet for forskning og utvikling. Disputerte i 2007 med avhandlinga "Gjorde vi de riktige tingene rett? En kvalitetsevaluering av revmatikeromsorgen". Arbeidde 1,5 år ved Enhet for Nasjonal Pasientsikkerhet i Kunnskapssenteret før ho vart tilsett i Helse Vest RHF november 2009. Kvalvik fekk Helse Vest sin Kvalitetspris i 2007.
Svein Brekke er cand. mag. i Informatikk fra Universitetet i Bergen og Siviløkonom fra Norges Handelshøyskole(spesialisering innen informasjonsbehandling). Han har tidligere arbeidet på Forsknings og Utviklingsavdelingen(FoU) hos Telenor. De siste 8 årene har han arbeidet som CTO i AMC-Technology(www.amc-technology.com), hvor hans hovedbeskjeftigelse har vært utvikling av mobile og web-baserte dataløsninger for ulike vertikalmarkeder. Løsningene har i utstrakt grad basert seg på elektronisk identifikasjon som RFID, QR-koder mv. Det siste prosjektet her har vært eSeng(ehospital.amc-technology.com) - Bruk av RFID og mobile enheter(PDA) for automatisert løsning mhp. kontroll, reparasjon, kvalitet, utlån og økonomiske nøkkeltall for alt rullende materiell
Publisert
10.05.2011 12:14 |
Endret
31.10.2011 10:04