Individuell plan 

Pasientar med sjukdom som ikkje kan lækjast og kort forventa levetid har behov for ei rekkje tenester frå både helsevesenet og sosialtenesta. Problema som oppstår, vil i ein del tilfelle vere forventa. Ved planlegging i forkant kan problema førebyggast, tiltak setjast i gong på kort varsel og ressursane totalt sett utnyttast optimalt.

Det bør utarbeidast ein heilskapleg plan som dekkjer tenester frå både fylkeskommunalt og kommunalt nivå og andre aktørar. Plassering av ansvar for gjennomføring av dei ulike tiltaka er vesentleg  (NOU 1999:2, Livshjelp).

I palliasjon må utforminga og omfanget av den individuelle planen tilpassast pasienten sin spesielle situasjon med stadig endring i tilstanden og vekslande behov for oppfølging og tiltak.
Erfaringa tilseier at ein slik plan kan vere svært nyttig og burde bli tilbydd fleire pasientar.

Det finst i dag ei rekkje malar for individuell plan. I Nasjonalt handlingsprogram med retningsliner for palliasjon i kreftomsorga blir det framheva at individuell plan for palliative pasientar skal innehalde:

• Pasienten sitt skriftlege samtykkje
• ein koordinator, for eksempel heimesjukepleiar
• pasienten sitt mål
• ein ansvarleg tenesteytar for kvart tenesteområde
• kontaktoversikt og ansvarsfordeling inkludert natt, kveld og helg
• avtalt oppfølging
• klare retningsliner for kor og korleis eventuell innlegging skal ordnast. Dersom open retur-omgrepet blir brukt, skal dette vere klart definert

KLB har i samarbeid med Sunniva senter utarbeidd ein eigen mal for individuell plan til palliative pasientar. Det er også utarbeidd ei rettleiing til denne planen.

Mal for individuell plan til plliative pasientar, for elektronisk utfylling

Aktuelle vedlegg:
Kommunikasjonsark 
Vekeplan                             
Skjema for utlevert behovsmedisin 
Andre kontakter

Helsedirektoratet sin brosjyre "Individuell plan - ein rett for deg og eit verktøy for samarbeid" finst på engelsk, arabisk, tyrkisk, urdu og vietnamesisk. Oversetjingane er tilgjengelege for nedlasting på Helsedirektoratet sine nettsider.

E-læring for individuell plan
Helse Midt-Norge RHF har i samarbeid med Nasjonalt senter for telemedisin og samhandling (NST) utviklet et åpent nettbasert opplæringsprogram i bruk av Individuell plan
 
Retten til å få utarbeidd individuell plan er slått fast i Pasient- og brukarrettslova § 2-5.
Helsetenesta si plikt til å utarbeide individuell plan er nedfelt i Lov om spesialisthelsetjenester § 2-6, Lov om helsetjenestene i kommunene § 6-2a, Lov om psykisk helsevern § 4-1 og Forskrift om individuelle planer etter helselovgivningen og sosialtjenesteloven (jan. 2005)
Frå 01.01.04 er retten til å få og plikta til å utarbeide individuell plan også nedfelt i Lov om sosiale tjenester.


Sluttrapport frå prosjektet Individuell plan til palliative pasienter. Et samarbeidsprosjekt mellom Betanien diakonale høgskole, Sunniva klinikk for lindrende behandling og Kompetansessenter i lindrende behandling Helseregion Vest